Алматылық қарттарға медициналық қолдау көрсетілді

Алматыда қарттар айлығы аясында 37430 науқас кеңейтілген медициналық тексеруден өтті. Өңірлік коммуникациялар қызметінде Алматы қаласы бойынша геронтологиялық қызмет бойынша үйлестіруші, "ҰОС ардагерлерінің қалалық емханасы" бас дәрігерінің емдеу  жөніндегі орынбасары Ольга Туеваның қатысуымен брифинг өтті, деп хабарлайды Аlmaty.tv.

Жыл сайын қазанда қарттар айлығы өтеді. Айлық аясында егде жастағы адамдарға әлеуметтік және медициналық көмек пен қолдау көрсетіледі.

Мысалы қалалық медициналық ұйымдар жүргізетін кеңейтілген медициналық тексеру жалпы тәжірибелік дәрігердің немесе терапевттің және бейінді мамандардың (невропатолог, кардиолог, офтальмолог, оториноларинголог, уролог, хирург) тексеруін қамтиды. Аспаптық тексерулер жүргізіледі - ЭКГ, рентгенография, ультрадыбыстық тексеру, спирография, көздің ішкі қысымын өлшеу, эхо-кардиография және т.б., Жалпы клиникалық талдаулар, липидтік спектрге, гормондарға талдау алу. Көрсеткіштер бойынша КТ және МРТ тағайындалды.

Жолды көтере алмайтын егде жастағы пациенттерге үйге бару ұйымдастырылады. Қазан айында көшпелі медбригадалар 2380 науқасқа көмек көрсетті. 

- Науқастардың үйіне барып қызмет көрсететін дәрігерлер бригадаларының құрамына зертханалық талдаулар алып, қандағы глюкоза мен холестеринді анықтауға арналған экспресс-талдаулар, жалпы және биохимиялық талдауға қан алу, электрокардиография сияқты аспаптық зерттеулер жүргізе отырып, үйде кеңейтілген медициналық тексеру жүргізетін бейінді мамандар кіреді. Көлікпен тасымалдауға келмейтін пациенттердің бәрі  айлықақы шеңберінде тексеруден басқа ай сайын учаскелік дәрігерлер немесе медбикелер қарайды, қажет болған жағдайда психологтың кеңесімен қамтамасыз етіледі. Дәрі-дәрмектерін үйге жеткізіп беру де ұйымдастырылды, - деді Ольга Туева.

Сонымен қатар диспансерлік есепте тұрған пациенттер тегін дәрілік препараттармен толық көлемде қамтамасыз етіледі. Сондай-ақ іс-шара аясында ауруханаға жатқызуға қаланың тәулік бойғы стационарларына 1270 қарт пациент жолданып, ем алды. 87 адам оңалтудан өтті.

Стоматологиялық көмекке, оның ішінде тіс протездеуге 341 пациент жүгініп, 68 адам тістерін тегін протездеді, МӘМС аясында 273 адам емделді.

 - Емханаларда 2023 жылдың қазанынан бастап 40 рет ашық есік күні өткізіліп, 800-ден астам қартқа көмек көрсетілді. Ашық есік күні аясында емханада қаралған пациенттер ЖТД дәрігерлерінен, кардиологтан, невропатологтан, оториноларингологтан, эндокринологтан және офтальмологтан кеңес алды. ЭКГ, көрсеткіштер бойынша рентгенография жүргізілді, қант пен холестеринге талдау алынды. Ашық есік күндеріне Алматы қаласының медициналық университеттерінің кафедра қызметкерлері де белсенді қатысады. Емханаларға тіркелген егде жастағы пациенттерді қараудан басқа, біздің көшпелі бригада кардиолог, эндокринолог, невропатолог, «мейірбикелік күтім ауруханасының» қатысуымен психолог кеңесі берілді, Қалалық паллиативтік көмек орталығының пациенттеріне консультациялар жүргізді, 17 адам қаралды. №16 қалалық емхана «Қамқор» әлеуметтік үйінде қарт адамдарға профилактикалық тексеру жүргізді – 32 адам қаралды,- деп толықтырды спикер. 

Сондай-ақ спикердің айтуынша, емханаларда денсаулық мектептері ашылды, олар: «Белсенді ұзақ өмір сүру мектебі», «Артериялық гипертония мектебі», «Инсульттің алдын алу мектебі», «қант диабеті мектебі» сияқты мектептер. Онда қант диабетінің асқынуларына көмек көрсету және алдын алу, стенокардия ұстамасын, гипертониялық ауруды жеңілдету бойынша оқыту жүргізіледі. Өткен айда 5040 адамды қамтитын 160 сабақ өткізілді.

Қарттар айлығы күндері кардиолог, невропатолог, офтальмолог ең көп сұранысқа ие болды. Сарапшы атап өткендей, бұл атеросклероздың дамуына және осы ауруларға әкелетін жүрек-қан тамырлары жүйесіндегі өзгерістерге байланысты.

Оқи отырыңыз: Ғалымдар зерттеуі: Covid-19 вирусы орта жастағы адамның ақыл-ой қабілетін төмендетеді