Төрт дүркін Олимпиада чемпионы өмірден озды

wall.alphacoders.com

Нюкянен спорттың осы түрінен Финляндияның ең көп жүлде алған спортшысы болды

Шаңғымен трамплиннен секіру бойынша төрт дүркін Олимпиада чемпионы болған фин спортшысы Матти Нюкянен 55-ке қараған шағында өмірден озды, деп хабарлайды inform.kz Финляндияның Iltalehti басылымына сілтеме жасап.

Нюкянен спорттың осы түрінен Финляндияның ең көп жүлде алған спортшысы болды. Олимпиаданың төрт алтынынан тыс, оның қоржынында Әлем чемпионатының бес алтын медалі бар.

Спортшы мансабын аяқтаған соң, ішімдікке салынып, соның салдарынан екі рет түрмеге де түсіп шыққан болатын.