Алматыда 400-ден астам адам инновациялық оңалту құралдарымен қамтылады

Биыл Алматыда өтініш берушілердің 95 пайызын оңалту құралдарымен қамтамасыз ету жоспарлануда. Бұл туралы Алматы әкімінің орынбасары Әсем Нүсіпова қала басшысы Ерболат Досаевтың төрағалығымен өткен Алматының инклюзивті ортаны дамыту жөніндегі Кеңесінің I отырысында айтты, деп хабарлайды Almaty.tv.

– Биыл біз ерекше қажеттіліктері бар адамдарды оңалту құралдарымен қамтамасыз ету бойынша келіп түскен барлық өтініштің 95%-ын қамтуды жоспарлап отырмыз. Осы мақсатқа биыл 1,3 млрд теңге бөлінді, нәтижесінде оңалтудың инновациялық техникалық құралдарымен кемінде 400 адам қамтамасыз етіледі, – деді Әсем Нүсіпова.

2023 жылы Алматы әкімдігі ерекше қажеттіліктері бар 433 адамды 1 390 млн теңге сомасына инновациялық техникалық құралдармен қамтамасыз етті. Олардың ішінде 150 протез, 200 отыратын арба, 76 сөйлеу процессоры және 7 сүйек өткізгіштігі бар есту аппараты бар.

Оқи отырыңыз: Досаев: Алматыда баршаға тең мүмкіндіктер жасалуда