|
12.02.2019 | 15:37
3485

Актриса қаза тапқан жол апаты: Gelandewagen жүргізушісіне қатысты сот басталды

Актриса қаза тапқан жол апаты: Gelandewagen жүргізушісіне қатысты сот басталды Фото tengrinews.kz

Алмалы аудандық қылмыстық істер бойынша сотта Абай мен Сейфуллин көшесі қиылысында үш адамды мерт қылған жол апатына қатысты сот басталды, деп хабарлайды ҚазАқпарат.

Gelandewagen иесі 34 жастағы Ильяс Кар сот алдында жауап беріп жатыр. Күдікті жол ережесін бұзғаны үшін, үш адамның өліміне себепкер болғаны үшін жауапқа тартылуда.

Сот отырысына марқұм актриса Шолпан Елгезекованың анасы мен туыстары, әріптестері қатысты.

Айта кету керек, қайғылы оқиға 29 желтоқсанда болған еді. Абай мен Сейфуллин көшелерінің қиылысында Mersedes Gelаndеwagen және Mitsubishi Galant көліктері соқтығысқан болатын.

Mersedes Gelаndеwagen көлігі бағдаршамның қызыл түсіне өтіп кеткен. Жол апатынан 3 адам - Mitsubishi Galant жүргізушісі мен екі жолаушы көз жұмды.  Олардың арасында белгілі актриса Шолпан Елгезек бар.

Кейін белгілі болғандай, 34 жастағы Gelаndеwagen жүргізушісі көлігін мас күйінде жүргізген.

«Mercedes Gelandewagen» маркалы автомобиль жүргізушісі, 1985 жылы туған Кар Ілияс Абай және Сейфуллин даңғылдарының қиылысында жол апатын жасағандықтан, ҚР Қылмыстық-процесуалдық кодексінің 128-бабына сәйкес ұсталды.

Сотқа дейінгі тергеп-тексеру Қылмыстық кодекстің 345-бабына және 347-бабының 3-бөлігіне сәйкес жүргізілді.

Айта кетейік, аталған жол апатынан аман қалған жалғыз жолаушы - актриса Айзада Сатыбалдиева қабырғалары сынып, ауыр халде ауруханаға түскен болатын. Екі аптадан соң актрисаның беті бері қарап, үйіне шығарылды.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир