Алматыда соғыс және еңбек ардагерлеріне 1 млн теңгеге дейін беріледі

Алматыда соғыс және еңбек ардаргерлеріне жергілікті бюджет есебінен 50 мыңнан 1 млн теңгеге дейін көмек көрсетіледі, деп хабарлайды Аlmaty.tv тілшісі қала әкімдігінің баспасөз қызметіне сілтеме жасап. 

«Сәуір айының соңына дейін соғыс мүгедектеріне, сондай-ақ оларға теңестірілгендер мен еңбек майданына қатысушыларға бір реттік төлем беру жоспарланып отыр», - делінген Алматы әкімдігінің хабарламасында.  

Алматыда ондай азаматтардың саны 18 мыңнан асады. Осылайша, 206 Екінші дүниежүзілік соғысқа қатысушы және мүгедектер - 1 млн теңгеден, 4 мыңнан аса адам – 100 мың теңгеден, 14 мыңға жуық адам 50 мың теңгеден 1 реттік көмек алады.