Ислам Байрамуков: Елбасымыздың қолынан орден алуым мен үшін үлкен мәртебе болды

Нұрсұлтан Назарбаевтың қолынан «Парасат» орденін алу мен үшін үлкен мәртебе болды. Сидней Олимпиадасының күміс жүлдегері Ислам Байрамуков осылай деді, деп хабарлайды Almaty.tv.

«Елбасының қолынан «Парасат» орденін алдым. Ол мен үшін үлкен мәртебе. Менің сол жетістігіме отбасым, туған-туыстарым мен жолдастарым қуанды. Сол кезде Нұрсұлтан Назарбаевпен бірге суретке түссем деп армандайтынмын. Марапаттау рәсімі аяқталған соң, спортшылар бірінен соң бірі суретке түсіп жатты. Мен тұрған жерімде қозғалмай тұрып қалдым. Сонда Елбасы маған қарап, «Ислам екеуіміз суретке түскен жоқпыз ғой» деді. «Иә, Нұр-аға сізбен суретке түссем бола ма?» дегенімде, «Бүгін бәрі болады» деп жауап берді», – дейді спортшы.