Қазақстандықтар мамыр айында қанша күн демалады

Қазақстандықтар қатарынан төрт күн демалады. Осы аптада 7, 8, 9 және 10 мамыр күндері, яғни алдағы бейсенбіден жексенбіге дейін демалыс, деп хабарлайды Almaty.tv.

Күнтізбедегі қызыл күндері Отан қорғаушылар күні мен Ұлы Жеңіс мерекесі атап өтіледі. Айта кетейік, елімізде әдетте 8 мамыр жұмыс күні деп есептеледі. 

Бірақ биыл мерекелік 9 мамыр сенбіге түсіп тұрғандықтан демалыс күні 8 мамырға ауыстырылды. Жалпы мамыр айында 13 демалыс күні бар.