8 наурызға қандай гүл сыйламаған дұрыс – маман

Аллергологтар 8 наурызда нәзік жандыларға қандай гүл сыйлаудан бас тартқан жөн екенін айтып берді, деп хабарлайды Almaty.tv тілшісі РИА Новости-ге сілтеме жасап.

Кейбір нәзік жандылардың гүлге аллергиясы болуы ғажап емес. Осы орайда дәрігерлер мимоза гүлін сыйға тартқанда сақ болуға кеңес береді. 8 наурызға сыйлық ретінде иісі жоқ гүлдерді таңдаған жөн, олар әдетте қауіпсіз болады дейді ақ халаттылар. 

"Әдетте 8 наурызда сатып алынған гүл шоғына аллергия беру жағдайы өте сирек кездеседі. Раушан, қызғалдақ, лалагүл, ирис, орхидея - бұл гүлдер  жәндіктермен тозаңданады. Сондықтан оларда тозаң аз мөлшерде кездеседі әрі аса ауаға тарала қоймайды, аллергия тудырмайды", - дейді дәрігер, аллерголог-иммунолог Владимир Болибок. 

Маман көктемде сый ретінде берілетін гүлдердің ішінде кей адамдарда мимозаға аллергия болуы мүмкін екенін айтады. Себебі ол желмен тозаңданатындықтан, оның тозаңдары ұзақ уақыт ауада қалықтап жүретінді. Медицина ғылымдарының докторы, профессор, иммунолог-аллерголог Михаил Костинов та дәрігердің сөзін құптап отыр. Айтуынша, сыйлық ретінде иісі, тозаңы жоқ гүлдерді таңдаған дұрыс. Себебі олар ең қауіпсіз сыйлық болып табылады екен. Атаулы күн жағымсыз жайттарға ұласпауы үшін мамандар аллергиясы бар әйелдерге бұл туралы ерлер қауымына бір ауыз ескертіп қойғаны абзал екенін айтады.