Отандық ғалымдар жоңышқаның жаңа түрін ұсынды

Қарабалық ауылшаруашылық тәжірибе станциясының селекционерлері "Қарабалық інжуі" атты жоңышқаның жаңа түрін ұсынды, деп хабарлайды Аlmaty.tv тілшісі Қазақстан Республикасы Ауыл шаруашылығы министрлігінің баспасөз қызметіне сілтеме жасап.

Көпжылдық зерттеулердің нәтижесінде шығарылған гибридті жаңа сорттың сапасын мамандар жоғары бағалады.

Алдағы уақытта шаруа қожалық иелері жоңышқаның жаңа түрін қолдану арқылы ауа райының қолайсыздығына қарамай мол өнім алуына мүмкіндік пайда болды.

Ғалымдар жоңышқаның бұл түрін «Славян» және «Қарабалық 18» сорттарын будандастыру арқылы шығарды. Өсімдік орташа маусымдық санатқа жатады.

Гүлдену басталғанға дейінгі вегетациялық кезең небәрі 64 күнді құрайды, ал тұқымның толық жетілуіне шамамен 107 күн қажет. 1 гектардан жерден 191 центнерге дейін жасыл масса, 69 центнер шөп және 2,3 центнер тұқым алуға болады.

Қарабалық інжуі аязға және құрғақшылыққа бейімделген.

Сондай-ақ түрлі ауруға және зиянкесткерге де төзімді. Ғылыми зерттеулер көрсеткендей, жоңышқаның бұл түрі көктем мезгілінде ерте өсе бастайды. Осының арқасында шаруа қожалықтары қазірдің өзінде үлкен қызығушылық білдіріп отыр.

Оқи отырыңыз:Енді Қазақстанға сырттан астық әкелуге тыйым салынады