|
07.12.2019 | 16:04
2204

Балқаш көлінде мұз бөлініп, 4 балықшыны ағызып әкеткен

Құтқарушылар қыс кезінде су қоймасында қауіп-қатер артатынын ескертеді

Балқаш көлінде мұз бөлініп, 4 балықшыны ағызып әкеткен inform.kz

Төтеншеліктер Балқаш көлінде жылжып кеткен мұз үстінен төрт балықшыны құтқарды, деп хабарлайды ҚазАқпарат.

6 желтоқсан күні сағат 14:07-де Ақөлең ауылынан оңтүстікке қарай 15 шақырым жерде Балқаш көлінде мұз құрсауынан 4 адам құтқарылды. Мұз бөлініп, оның үстіндегі балықшылар ашық көлге түсіп кеткен.

Оқиға орнына Қарағанды облысы ТЖД бөлімшелерінің жедел тобы шықты. Зардап шеккендермен телефон байланысы ұдайы жүргізіліп отырды. Адамдар отырған мұз жағадан шамамен 10 шақырым қашықтыққа кетіп қалған. Қатты толқынға қарамастан, құтқарушылар қысқа уақыт ішінде «Хивус» аэрокөлігімен балықшыларды тауып, 17:35-те оларды жағаға жеткізді.

Құтқарушылар қыс кезінде су қоймасында қауіп-қатер артатынын ескертеді.

Су айдынындағы мұз үстімен жаяу жүру де, көлікпен жүру де өте қауіпті. Түнгі уақытта балық аулауға және аң аулауға жол берілмейді. Боранды күндері суға шығуға тыйым салынады.




Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

MAQALADA

көл
Новости партнеров
След. →
Прямой эфир