2020 жылы мұғалімдердің жалақысы қанша пайыз көтерілетіні белгілі болды

Келесі жылы мұғалімдердің жалақысы 25 пайызға өседі, - деп хабарлайды Tengrinews.kz. 

 «Тамыз конференциясында мұғалімдердің жалақысын алдағы төрт жыл ішінде екі есеге көбейтуді тапсырдым. Бұл келесі жылы мұғалімдердің жалақысы 25 пайызға көтеріледі деген сөз», - деді Президент жолдауында.  

Еске сала кетейік, мұның алдында Президенттің бүгін, 2 қыркүйекте халыққа Жолдау жариялап, онда ішкі саяси мәселелер, азаматтардың құқықтары мен бостандықтарын қорғау, экономиканы жаңғырту, халықты әлеуметтік қамсыздандыру мәселелері айтылатыны хабарланған еді.

Тоқаев бес пайыздық зейнетақы аударымдарын енгізу мәселесін кейінге қалдырды.