400 мың қорап темекіні елге заңсыз кіргізбек болған азамат ұсталды

«Қордай» шекара жасағының «Қарасу-авто» бөлімшесінде Қырғызстаннан біздің елге «Даф» жүк көлігімен келе жатқан 23 жастағы Қазақстан азаматы ұсталды, деп хабарлайды Шекара қызметінің баспасөз қызметі.  

«Оның автокөлігін арнайы тексеру кешенін қолдана отырып тексерген кезде кузовы мен тіркемесінен әртүрлі маркалы, Тәжікстанның акциздік маркалары жапсырылған темекі өнімдері табылды», - делінген хабарламада.

Елімізге заңсыз кіргізбек болған 418 144 қорап темекі Қордай аудандық мемлекеттік кірістер департаментіне тапсырылды.