|
16.06.2021 | 20:27
6441

Тышқандар мазақ қылады: Қандалаға таланған тараздықтардың жанайқайы

Жатақхана типтес үйде әлеуметтік тұрмысы төмен отбасылар тұратын көрінеді

Тышқандар мазақ қылады: Қандалаға таланған тараздықтардың жанайқайы almaty.tv/

Таразда көпқабатты үйдің тұрғындары қандалаға таланып тұруға мәжбүр. Себебі қала орталығындағы үйді зиянды жәндіктердің бірнеше түрі басып кеткен. Ал, жатақхана типтес үйде әлеуметтік тұрмысы төмен отбасылар тұратын көрінеді. Толығырақ Almaty.tv тілшісі Мерей Баеттің сюжетінде.

Орталықтағы Төле би көшесінде орналасқан Таразда көпқабатты үйдің тұрғындары қандалаға таланып 4 пен 8-үй тұрғындарының түн ұйқысы осылайша төртке бөлінген. Жәндік шағып, жанға батқан соң жиылып арызын жеткізуге тура келіпті. Ескі үйді басқан жәндіктерді жоюға тұрғындардың жағдайы жоқ. Себебі бұрын жатақхана болған бұл үйде әлеуметтік жағдайы төмен отбасылар тұрады.

«Қандала, тарақан, тышқан деген былай. Тышқан масқара. Мазақ қылады. 5-қабатқа этажға қалай шығады десеңізші. Сенбесеңіз қап-қап ұнымды қалай тескенін көрсетейін», – деді қала тұрғыны Гүлжәмилә Қыпшақбаева.

Тұрғындар жергілікті биліктен баспасын жөндеп, шатырын бүтіндеп беруді сұрайды. Себебі төбеден аққан су қабырғаларды жарып, кірпішін мүжіген. Салдарынан ортақ әжетхана апатты жағдайда.

«Дәретхананың түрі анау. Шіріп жатыр, жақында құлайды. Бір күн болмаса, бір күні біреу өледі бетонның астында қалып», – деді қала тұрғыны Мария Меңдіқұлова.

Ал, облыстық ветеринария басқармасы жағдайдан хабарсыз. Қан соратын жәндіктермен мүлдем айналыспаймыз деп ат тонын ала қашты. Тіпті, шағымның да болмағанын айтуда.

«Тараз қаласы тұрғындарынан ешқандай ұсыныс түскен жоқ. Қанданы жою бойынша Төле би көшесіндегі жатақханаға ешқандай қаражат бөлінбейді», – деді Жамбыл облыстық ветеринария басқармасының басшысы Талғат Қожаберген.

Қандаладан қашып, үстел үстінде ұйықтап жүрген тұрғындар балалардың денсаулығына алаңдаулы. Ал, әкімдік өкілі кінә тұрғындардың өздерінен дейді. 2012 жылы мемлекеттік бағдарлама бойынша жөндеуден өткен үйді күтіп ұстамаған-мыс. Енді кезектің қашан келері де белгісіз.

Мерей Бает, «Алматы» арнасы

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир