Жеңілдетілген автонесие бағдарламасы: шарттары қандай

Қазақстан Үкіметі жеңілдетілген автонесие бағдарламасын бекітті. Бұл туралы ҚР Индустрия және инфрақұрылымдық даму министрлігі Индустриалдық даму комитеті төрағасының орынбасары Олжас Сапарбеков мәлім етті, деп хабарлайды Almaty.tv тілшісі ҚазАқпаратқа сілтеме жасап.

Қазір жеңілдетілген автонесие бағдарламасын жүзеге асыру үшін «Жасыл даму» акционерлік қоғамынан қажетті қаражатты аударуға байланысты процедуралар жүргізіліп жатқан көрінеді. Алайда министрлік өкілдері бұл бағдарламаның басталу мерзімі туралы сұраққа жауап бере алмады

«Егер азамат осы бағдарлама бойынша автокөлік сатып алса, ол екінші көлікті тек 2 жылдан кейін сатып алады. Бағдарлама әзірленіп, нақты ережелер пысықталып жатыр. Соңғы қорытынды кейінірек айтылады. Себебі нақты қандай банктер қаржыландырылады деген секілді мәселелер бар. Мұның бәрі анықталғаннан кейін, тағы бір брифинг өткізіп, тұтынушыларымызға қадамдық нұсқаулар беруге болады. Өндірушілердің өздері де сұранысты қамтамасыз ету үшін қазір осы бағдарламаға дайындалып жатыр», – деді Қазақстан автобизнес қауымдастығының вице-президенті Анар Мақашева.

Елімізде 2015 жылдан бері жеңілдетілген автонесие бағдарламасы жұмыс істейді. 2021 жылдың мамырына дейін 82 млрд теңге бөлініп, осы жылдың 31 наурызындағы деректерге сәйкес, аталған сомаға 30 мың көлік сатып алынды және 162 млрд теңгеге займ берілді. 

«Жеңілдетілген автонесие алуға ниет танытушылар тарапынан сұраныстың жоғары екендігін ескере отырып, екінші деңгейлі банктер жаңа өтінімдер қабылдап жатыр. Бірақ қаражат олардың босауына орай берілетін болады. Бағдарлама Халық банк, Еуразиялық банк, Jýsan Bank, Центркредит банк және Форте банк сынды екінші деңгейлі банктер арқылы жүзеге асырылады», - деді комитет төрағасының орынбасары. 

Олжас Сапарбековтың айтуынша, Қазақстан Үкіметі 2022 жылдың 15 сәуірінде №227 қаулы қабылдады. Аталған құжат автонесие бағдарламасын 100 млрд теңге төлшерінде қаржыландыруды қарастырады. Сонымен қатар «Жасыл даму» АҚ қаражаты есебінен 30 млрд теңге автобус паркін жаңартуға жұмсалады. 

Бағдарламаның негізгі шарттары мынадай: 

- Бір жеңіл автокөлікті қаржыландыру сомасы 10 млн теңгеден аспайды; 

- Бір заемші екі жылдың ішінде бір рет қана автокөлікті жеңілдетілген несиемен ала алады; 

- қаржыландыру мерзімі 7 жылдан аспайды; 

- бастапқы жарнасы 0%; 

- көлік құралының құны 15 млн теңгеден аспауы қажет.

Қазір жеңілдетілген автонесие бағдарламасын жүзеге асыру үшін «Жасыл даму» акционерлік қоғамынан қажетті қаражатты аударуға байланысты процедуралар жүргізіліп жатқан көрінеді. Алайда министрлік өкілдері бұл бағдарламаның басталу мерзімі туралы сұраққа жауап бере алмады.

«Егер азамат осы бағдарлама бойынша автокөлік сатып алса, ол екінші көлікті тек 2 жылдан кейін сатып алады. Бағдарлама әзірленіп, нақты ережелер пысықталып жатыр. Соңғы қорытынды кейінірек айтылады. Себебі нақты қандай банктер қаржыландырылады деген секілді мәселелер бар. Мұның бәрі анықталғаннан кейін, тағы бір брифинг өткізіп, тұтынушыларымызға қадамдық нұсқаулар беруге болады. Өндірушілердің өздері де сұранысты қамтамасыз ету үшін қазір осы бағдарламаға дайындалып жатыр», – деді Қазақстан автобизнес қауымдастығының вице-президенті Анар Мақашева.