Алматыда заңсыз сақталған қаруды іздестіру жұмысы жүріп жатыр

kazpravda.kz

Мақсаты – жедел жағдайды жақсарту, атыс қаруы мен оның патрондарын қолдану арқылы жасалған қылмыстардың алдын алу

5-9 қыркүйек аралығында Алматыда атыс қаруын қолданумен жасалған қылмыстардың алдын алуға бағытталған «Кару» республикалық жедел-алдын алу іс-шарасы өтуде, деп хабарлайды Almaty.tv.

Мақсаты – жедел жағдайды жақсарту, атыс қаруы мен оның патрондарын қолдану арқылы жасалған қылмыстардың алдын алу және ашу.

«Тәжірибе көрсеткендей, іс-шараның мұндай түрі қаладағы қылмыстық ахуалды жақсартуға оң әсер етеді. Алматы полициясының жеке құрамы қызметтің күшейтілген нұсқасына ауыстырылды. «Кару» жедел-алдын алу іс-шарасы заңсыз айналымнан тіркелмеген қаруды максималды түрде тәркілеуге мүмкіндік береді», - деді Алматы қалалық ПД Криминалдық полиция басқармасының басшысы, полиция полковнигі Қуат Науатов.