ҚР Адам құқықтары жөніндегі уәкілі Алматыға жұмыс сапарымен келеді

Осы жылдың 19-21 сәуірінде Қазақстан Республикасындағы Адам құқықтары жөніндегі уәкіл Артур Ластаевтың Алматы қаласына жұмыс сапары өтеді, деп хабарлайды Almaty.tv.

Ресми сапар барысында 19 сәуірде Қазақстан Омбудсманы Артур Ластаев Алматы қаласы бойынша уәкілдің өкілі Қ. Малдыбаевпен бірлесіп әкімдік өкілдерімен, қала прокуроры Б. Жуйриктаевпен, Полиция департаментінің бастығы А. Заппаровпен және ҚАЖ департаментінің бастығы А. Қайырбековпен кездесу өткізеді.

Сол күні А. Ластаевтың ҚР-дағы бала құқықтары жөніндегі уәкіл А. Саинмен жұмыс кездесуі өтеді, онда ынтымақтастық туралы Меморандумға қол қою көзделеді.

Сондай-ақ, Алматы қаласы бойынша ҚАЖД №11 мекемесіне бару күтілуде, оның барысында А. Ластаев кәмелетке толмаған сотталғандарға жеке қабылдауын өткізеді.

19 сәуірде сағат 15:00-ден 18:00-ге дейін уәкілетті А. Ластаев қала тұрғындары үшін, +7 775 515 86 95  нөміріне хабарласу арқылы алдын ала жазылу бойынша Достық даңғылы 134, каб. 401 мекенжайы бойынша азаматтарға жеке қабылдауын өткізеді.

21 сәуірде Омбудсман ұлттық алдын алу тетігінің қатысушысымен сотталғандарды тиісті құқықтық қорғау жөніндегі жұмысты, оның ішінде психологиялық, педагогикалық және медициналық қолдау және азаптаудың алдын алу жөніндегі қызметтің іс-қимылдарын күшейту жөніндегі одан әрі іс-қимыл жоспарын талқылайды.

Бұдан басқа, уәкіл Алматы қаласының үкіметтік емес ұйымдарымен (ҮЕҰ) адам құқықтары мен бостандықтары саласындағы құқықтық ағарту, құқық қорғау ұйымдарының қызметін үйлестіру мен қолдау деңгейін арттыру қажеттілігі, білім беру бағдарламаларын әзірлеудегі және халықтың білім деңгейін арттырудағы ынтымақтастық перспективалары, бірінші кезекте тұрғындардың жас бөлігін қамтитын құқықтық ағартудың тұтас жүйесін құру туралы кездесу өткізуді жоспарлап отыр.

Күн тәртібінде – А.Ластаевтың «Жан-сая дағдарыс орталығы» КММ-не баруы,  «Дағдарыс орталықтары одағы» басшысы З. Байсақовамен кездесуі. Сондай-ақ  өмірлік қиын жағдайға тап болған адамдарды қабылдау өткізіледі.