Шымкентте бойжеткен университеттің 5-қабатынан секіріп қайтыс болды

Шымкентте бойжеткен Оңтүстік Қазақстан мемлекеттік университетінің бесінші қабатынан секіріп, қайтыс болды. Бұл туралы қалалық Полция департаменті баспасөз қызметінің жетекшісі Әсел Сәденова мәлімдеді, деп хабарлайды ҚазАқпарат.

Әсел Сәденованың сөзінше, қайғылы оқиға түскі сағат 12-00-дер шамасында болған.

«Қазір осы оқиға бойынша ҚР Қылмыстық кодексінің 105 бабы, яғни «Өзiн-өзi өлтiруге дейiн жеткiзу» бойынша іс қозғалып, тергеу амалдары жүргізілуде. Бірнеше сот-медициналық сараптамалар тағайындалды. Қалған мәліметтер тергеу құпиялығына байланысты жария етілмейді», - дейді қалалық Полция департаментінің баспасөз қызметінің жетекшісі.

Қазіргі таңда полиция қызметкерлері оқиға орнында тергеу шараларын жүргізіп, бойжеткеннің не себепті мұндай қадамға барғанын анықтап жатыр.