Алматыда нан бағасы 75-85 теңгеден асырылмайды

Алматылықтар бір күнде 500 тоннаға дейін нан жейді екен

Алматыда нан бағасын тұрақтандыру қолға алынды. Осы мақсатта Алматы қаласы әлеуметтік кәсіпкерлік корпорациясы қаладағы 4 нан өнімдерін өндіруші кәсіпорынмен келісімге қол қойды. Құжатқа сай аталған мекеме ас атасының бағасын 75-85 теңгеден асырмайды, деп хабарлайды Almaty.tv тілшісі.

Айта кетейін, алматылықтар бір күнде 500 тоннаға дейін 1 сұрыптағы нан-тоқаш өнімдерін жейді екен.

«Бұл меморандумның арқасында Ақмола облысының ұн өндірушісінен ұнды 115 теңге тұрақтандырылған бағамен аламыз және бұл жерде біз ешқандай бюджеттік ақша, қаржы сұрап отырған жоқпыз. Бұл – кәсіпкерліктің, өзара келісімнің арқасында болып отырған жағдай», – деді «Алматы әлеуметтік кәсіпкерлік корпорациясы» АҚ департамент басшысы Сұңқар ШОРНАҚОВ.