Алматы қаласының жас суретшілері COVID-19 індетіне қарсы күресіп жатқан дәрігерлерге арнап мурал салды

Алматы қаласының жас суретшілері COVID-19 індетіне қарсы күресіп жатқан дәрігерлерге арнап мурал салды. Бұл жайында қала әкімінің баспасөз хатшысы Әсет Мұқажанов Instagram парақшасында жазды, деп хабарлайды Almaty.tv.  

«Қаламыздың жас суретшілері қауіпті індетпен күресіп жүрген біздің дәрігерлерге арнап мурал салды. Күн сайын медицина қызметкерлері өз бастарын қатерге тігіп, COVID-19-ға қарсы іс-қимылда алдыңғы шепте еңбек етіп жүр. Қауіпті індеттің беті қайтып, өміріміз қалыпты арнаға түскенде, осы муралға қарап, ақ халатты абзал жандарды ризашылықпен еске аламыз. Дәрігерлерге бас иеміз! #AlmatyBirgemiz», – деп жазады Мұқажанов.