«Артспорт» бағдарламасы аясында балалар бір ғана үйірмеге қатыса алады

«Артспорт» бағдарламасы аясында балалар  бір ғана үйірмеге қатыса алады. Ал спорт секциялары мен шығармашылық үйірмелердің бағасы қайта қарастырылады. Бұл туралы Мәдениет және спорт министрі Дәурен Абаев айтты, деп хабарлайды Almaty.tv тілшісі.

Сонымен қатар ол үйірмелерді қаржыландыруға қосымша 97 млрд теңге қажет екенін жеткізді. Бұдан бөлек, спорт түрінің саны 71 ден 30-ға дейін, шығармашылық үйірме 59-дан 30-ға дейін қысқаратыны белгілі болды.

«Біз ешқашан жауапкершіліктен қашпаймыз. Бағдарлама жабылады деуге де ешқандай негіз жоқ. Осы уақытқа дейін мақұлданған ваучерлер төленетінін атап өткім келеді. Әр аймақ оған қажетті қаржыны қарастырып жатыр», – деді ҚР Мәдениет және спорт министрі Дәурен Абаев.