Алматыда электр желілерінің ұзындығы 7500-ден астам шақырымды құрайды

Биыл Алматыда 128 шақырым электр желілері қайта жаңартылып, салынған. Бұл Медеу, Наурызбай және Түркісіб аудандарының тұтынушыларын сенімді электр энергиясымен қамтамасыз етуге мүмкіндік береді, деп хабарлайды Almaty.tv тілшісі.

Сондай-ақ, 2019 жылы жалпы ұзындығы 23 шақырым газ құбырларын қайта жаңарту жоспарланған. Бүгінде оның 20 шақырымы істелген. Қалған 3 шақырым көгілдір отын желілерін ағымдағы жылдың соңына дейін қайта жаңарту көзделіп отыр. Жыл басынан бері қалалық Энерготиімділік және инфрақұрылымдық даму басқармасы 5 аудандағы 121 көшеде 4,3 мың жарық желісін жүргізген.