|
04.05.2019 | 18:11
1491

243 мың педагог біліктілікті арттыру курстарынан өтеді

Министр балабақша тәрбиешілерінің көмекшісі, тазалықшылар мен күзетшілердің жалақысы өсетінін айтты

243 мың педагог біліктілікті арттыру курстарынан өтеді

ҚР Білім және ғылым министрі Күләш Шәмшидинова білім беру сапасын арттыруға бағытталған шаралар туралы айтып берді, деп хабарлайды ҚазАқпарат.

«Ең басты мәселелердің бірі - ол білім сапасын арттыру. Ал білім беру сапасы бірінші кезекте педагогтарды даярлау сапасына байланысты. Сондықтан алдағы 2 жылда 243 мыңнан астам мектеп мұғалімдері, колледж және ЖОО оқытушылары біліктілік курстарынан өтеді», - деді министр елорда әкімдігінде көпбалалы аналармен өткен кездесуде.

Министрдің айтуына қарағанда, биыл мектеп психологтары мен сынып жетекшілері біліктілікті арттыру шараларымен қамтылады. Себебі психолог көмегі балалар мен ата-аналарға, сондай-ақ мұғалімдерге де қажет болып отыр. Бұдан бөлек, ведомство басшысы сала мамандарының арасында кімдердің еңбекақысы өсетінін айтты.

«Негізінен, еңбекақыны арттыру көмекші персоналға арналмақ, яғни балабақша тәрбиешілерінің көмекшілері, ғимарат пен аула тазалаушылар, күзетшілер қамтылады. Сондай-ақ колледж оқытушылары, психологтар, мектептегі әлеуметтік педагогтар, балабақша тәрбиешілерінің де жалақысы көбейеді. Осы арқылы бюджет саласындағы жалақысы төмен жұмысшылардың еңбекақысын өсіруге бөлінген қаржының 70 пайыздан астамы білім беру саласына бағытталады», - деді К. Шәмшидинова.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир