Алматыда бірнеше адамды көлікпен қаққан екінші күдікті ұсталды

Сот 24 жастағы күдіктіге 16 қыркүйек күні екі айға қамау туралы санкция берген. Бұл құжатты бүгін сот заңды деп таныды, деп хабарлайды Аlmaty.tv тілшісі.  

Себебі ол осы уақытқа дейін іздеуде болған. Қазір тергеу жүргізіліп жатыр. Кейін санкция ұзартылуы мүмкін немесе іс сотқа беріледі. 

Еске сала кетейік, сұмдық оқиға 26 тамыз күні Бостандық ауданында орын алған еді. Белгілісі, бір топ жігіттер жан-жалдасқан. Кейін әуелі ақ түсті көлікті тізгіндеген жүргізуші ерегескендердің біреуін қағып кете жаздайды. Ал қара машинаның иесі керісінше қаймықпастан үш адамды қасақана қаққан. Салдарынан үш адам зардап шекті. Олардың аяқ-қолы жарақаттанып, милары шайқалған.