Жамбыл облысы әкімдігінің жоғары лауазымды қызметкері ұсталды

Жамбыл облысы әкімдігіне қарасты мемлекеттік мекеменің басшысы мемлекеттік сатып алуды ұйымдастыруда пара алды деген күдікке ілінді, деп хабарлайды Сыбайлас жемқорлыққа қарсы іс-қимыл агенттігі.

Әскери борышын өтеуге шақырылған сарбаздарды ыстық тағаммен қамтамасыз ету бойынша мемлекеттік сатып алу келісімшартына сәйкес жалпы қамқоршылық жасағаны үшін шенеунік жеке кәсіпкерден 350 мың теңге пара сұраған.

«Кінәсін толығымен мойындағандықтан күдікті қамауға алынбады. Тергеу әлі жүріп жатыр», – делінген хабарламада.

Күдіктіге қатысты ақтық шешімді сот қабылдайтын болады.