Ұлы Абай Құнанбаевтың 175 жылдығына дайындық жалғасып жатыр. Бүгін Алматыдағы ЛА 155/6 мекемесінде де хакімнің мерейтойына арналған шара өтті. Оған Жетісу ауданы әкімдігі мұрындық болған, деп хабарлайды Almaty.tv тілшісі.
Істі болып, мекемеде жазасын өтеп жатқандар Абайдың өлеңдері мен қара сөздерін жатқа айтып жарысты. Ақынның қазақша-орысша жазылған кітаптары жеңімпаздарға жүлде ретінде берілді. Одан бөлек, аталған мекемеге 100 кітап тарту етілді.
«Осындай іс-шаралар алдағы уақытта да болады. Биыл тағы 1-2 рет өткіземіз. 2020 жылы хәкім, дана Абайдың 175 жылдығы болғандықтан Абай жылы аталады. Ол кезде де ауқымда шаралар өткіземітн боламыз», - деді ЛА 155/6 мекемесінің басшысы Ертай ШӘКЕНОВ.
