Алматыда электр жарығы қалпына келтірілді

Almaty.tv

Қосалқы станцияның істен шығуына байланысты жарық өшкен болатын

Алматыда электр жарығы қалпына келтірілді, деп хабарлайды Almaty.tv.

Алматының Алмалы, Бостандық және Медеу ауданында электр жарығы бір сағат ішінде қайта жанды.

Сәтбаев – Қонаев – Төле би – Сейфуллин көшелерінің контурында орналасқан тұрғын үйлер мен өзге де ғимараттардың электр қуаты ПС-58А қосалқы станциясының жұмысындағы ақауға байланысты үзілген.

"Алатау Жарық Компаниясы" АҚ мамандары штаттан тыс жағдайдың алдын ала себебін ПС-58А қосалқы станциясын қоректендіретін кабельдік желінің механикалық зақымдануы деп атап өтті.