Бүгін Астана қаласының атауы ресми Нұр-Сұлтан боп өзгертілді. Мұндай қаулыға Мемлекет басшысы Қасым-Жомарт Тоқаев қол қойған болатын.
Бұл шешім қоғамда түрлі пікірлер туғызғаны белгілі. Ал, Алматыда елордаға Тұңғыш президент Нұрсұлтан Назарбаевтың есімін беру идеясын қолдайтындардың қатары көп екен.
Алматының кейбір тұрғындары Елбасы бұл мәртебеге әбден лайық деп есептейді. Өйткені, шағын ғана қалашықтың орнына үлкен мегаполис тұрғызу – Нұрсұлтан Әбішұлының еңбегі. Сондықтан, қалаға оны салған адамның атын беру қажет дейді алматылық кейбір тұрғындар.
