Меншікті өндіріс
Біз әлеуметтік желілердеміз
Алматы облысында үш көлік соқтығысып, бір адам қаза тапты
Қайғылы оқиға Алматы – Бесмойнақ автожолында болған
Алматы облысы Жамбыл ауданында жол апатынан бір адам қаза тауып, екі адам жарақат алды, деп хабарлайды Аlmaty.tv.
Облыстық полиция департаментінің баспасөз қызметі қайғылы оқиғаның 30 қарашада Алматы – Бесмойнақ автожолының 77 шақырымында болғанын мәлімдеді.
"Mercedes Benz 280 жүргізушісі қарсы қозғалыс жолағына шығып кетіп, соның салдарынан Ford Focus автокөлігімен соқтығысқан, содан кейін инерция бойынша ВАЗ-2114 көлігіне соғылған.
Жол апатының салдарынан Ford Focus жүргізушісі оқиға орнында көз жұмды", - делінген ПД хабарламасында.
Сондай-ақ түрлі жарақатпен екі жолаушы аудандық ауруханаға жатқызылды.
Жол-көлік оқиғасы фактісі бойынша сотқа дейінгі тергеу жүргізіліп жатыр.
Өңір полициясы барлық жүргізушілерді рұқсат етілген жылдамдық режимін қатаң сақтауға және жол ережелерін бұзбауға шақырады.
Оқи отырыңыз: Астанада жүк көлігінің жанармай багы жарылып, үш адам зардап шекті