Алматыда баспана алу қаншалықты қолжетімді? Ипотека нарығындағы соңғы өзгерістер

Жыл басынан бері Алматының жылжымайтын мүлік нарығында ерекше белсенділік байқалады, — деп хабарлайды Almaty.tv.

Тұрғын үй бағасының салыстырмалы түрде тұрақталуы мен мемлекеттік ипотекалық бағдарламалардың жаңа кезеңдері халықтың баспанаға деген қызығушылығын қайта оятты. Дегенмен, банктердің несие беру талаптарының қатаңдауы мен ескі үйлерге қатысты қойылатын шектеулердің артуы көптеген азаматтар үшін кедергі болып отыр. Бүгінгі таңда мегаполисте пәтер алу қаншалықты тиімді? Осы және өзге де өзекті сауалдарға қаржыгер, ипотека мен тұрғын үй саласының сарапшысы Гүлжан Мектепбай жауап берді.