Алматыда студенттермен «Заң және тәртіп» тақырыбында кездесу өтті

«Заң және тәртіп» идеологемасы аясында Алматы қаласы Ішкі саясат басқармасының Қоғамдық даму орталығы Архитектура, дизайн және инженерия колледжімен бірлесіп студенттермен «Заң және тәртіп: құқықтық мәдениетті нығайту және азаматтық жауапкершілікті арттыру» тақырыбында кездесу өткізді, деп хабарлайды Almaty.tv.

Іс-шара спикерлері мен сарапшылары:

• Болатжан Әл-Фараби Нұрбекұлы — Қоғамдық даму орталығы басшысының орынбасары;
• Тленчиева Шырын Мұратқызы — Философия, саясаттану және дінтану институты Социология орталығының жетекшісі;
• Омаров Аспандияр Қуандықұлы — полиция капитаны, Алматы қаласы Полиция департаментінің аға жедел уәкілі;
• Кобеев Даурен Асқарұлы — полиция подполковнигі, Алматы қаласы Полиция департаменті Есірткі қылмысына қарсы іс-қимыл басқармасының аса маңызды істер жөніндегі аға жедел уәкілі;
• Жамангозов Камал Әмірғалиұлы — колледж директоры.

Кездесу барысында жастар арасындағы құқықбұзушылықтардың алдын алу, зиянды әдеттердің профилактикасы, құқықтық мәдениетті қалыптастыру және қауіпсіз қоғам құру мәселелері талқыланды.

Сонымен қатар Қазақстан Республикасының жаңа Конституциясының ережелеріне ерекше назар аударылып, онда адам құқықтары мен бостандықтарының басымдығы, заңның үстемдігі және азаматтың жеке жауапкершілігі негізгі қағидаттар ретінде айқындалғаны атап өтілді. «Заң және тәртіп» қағидатын жүзеге асыру әрбір жас азаматтың құқықтық санасынан басталатыны ерекше айтылды.

Оқи отырыңыз: Кәсіпкерлерге жаңа талап: сөрелерде отандық өнім үлесі артады