Алматыда жұмыссыз жастарға арналған бос орындар жәрмеңкесі өтуде

Алматыда жұмыссыз жастарға арналған мүмкіндіктер кеңейіп жатыр. Қалалық Мансап орталығы биыл 8 аудан бойынша бос жұмыс орындары жәрмеңкелерін өткізуді қолға алған. Қазірдің өзінде 3 ауданда, нақтырақ айтсақ Алмалы, Медеу және Бостандықта өткен іс-шараларға 100-ден аса компания қатысып, 6000-нан астам адам түйіндеме тапсырған. Жәрмеңкеге келгендердің басым бөлігі - 30 жасқа дейінгі жастар. Сарапшылардың айтуынша, қазіргі таңда IT, медицина, сауда және білім салаларында кадр тапшылығы байқалады. Жалпы қалалық мансап орталығы немен айналысады? Осыған дейін қанша жасты жұмыспен қамтыды? Бұл сұрақтарға Мансап орталығының бас маманы Манас Айдарұлы жауап берді.