Астанада тағы бір көпқабатты тұрғын үйден өрт шықты

Астанада тағы бір көпқабатты тұрғын үйден өрт шықты, деп хабарлайды Almaty.tv.

Оқиға кеше түнде тіркелген. Төтенше жағдайлар департаментінің мәліметінше, қызыл жалын электр қалқаны орналасқан шахта арқылы бірінші қабаттан оныншы қабатқа дейінгі аралықты шарпыған. Құтқарушылар автосатының көмегімен үш адамды, оның ішінде екі баланы қауіпсіз жерге шығарды.

Сонымен қатар баспалдақ арқылы арнайы құтқару қалпақшаларының көмегімен тағы үш тұрғын эвакуацияланды. Олардың біреуі - бала. Қазір оқиғаның себебі анықталып жатыр. Зардап шеккендер жоқ.

Оқи отырыңыз: Алматыда кезекті заңсыз нысан сүріліп жатыр