Аустралиялық кенгурулар Алматының ауа райына бейімделді

Зообақтың баспасөз қызметінің мәліметінше, аустралиялық кенгурулар Алматының ауа райына бейімделген, деп хабарлайды Almaty.tv.

Алматы зообағында 10 кенгуру бар. Олардың екеуі валлаби, алтауы сұр, екеуі сары.

"Біздің зообағымыздағы аустралиялық кенгурулар Алматының ауа райына бейімделіп кеткен. Бірақ, қысқы мезгілде біз оларды жылы орынға орналастырамыз. Егер де ауа температурасы күз кезінде +15 градусқа дейін жылы болса, кенгуруларымызды далаға шығарамыз. Қазіргі уақытта зообағымызда 10 кенгуру бар. Олардың екеуі валлаби, алтауы сұр, екеуі сары. Бір қоршаудың ішінде үш түрлі кенгуру тұрса да, олар бір-бірімен тату», — делінген хабарламада. 

Кенгурулар сәбіз, қырыққабат, салат жапырақтары, алма, дәнді дақылдармен көректенеді.

Оқи отырыңыз: Алматы облысында 100-ге жуық тұрғын баспанасыз қалуы мүмкін