Біз сыбайлас жемқорлыққа қарсымыз: Алматыда байқау жеңімпаздары марапатталды

Алматыда «Біз сыбайлас жемқорлыққа қарсымыз» байқауының жеңімпаздары марапатталды, деп хабарлайды Almaty.tv.

«Адал ұрпақ» жобасы аясында өтіп жатқан іс-шара арқылы жастарды жаман әдеттен аулақ болып, белсенділік танытып, жемқорлыққа төзбеуге шақыруды мақсат тұтқан. Бастаманы қалалық жастар саясаты басқармасының қолдауымен «Ақпараттық-ресурстық орталық» қоғамдық қоры іске асырып отыр.

 «Адалдық бар жерде адамдық жүреді. Әр іс ұран сөзден емес, кішігірім іс-әрекеттен басталады» деген ұйымдастырушылар іс-шара жастардың мінезін қалыптастырып, қоғамды нығайта түсетініне сенімді. Олар болашақ ұрпаққа адамгершілік тазалықтың жай ғана ережесі емес, өмір салты екенін көрсетпек. «Адал азамат – өзінің сөзіне, ісіне адал және еңбегінің нәтижесін көретін адамды тәрбиелеу. Оның ішіне антикоррупциялық сана да кіреді», – деді   Жастар саясаты басқармасының басшысы Азиз Қажденбек.

Оқи отырыңыз: Сыбайлас жемқорлыққа қарсы болашақ: Алматыда сурет байқауы өтті