Енді ұл тусам: Баян Алагөзова арманын айтты

Продюсер Баян Алагөзова әлеуметтік желідегі парақшасында жазба жариялап, оқырманды ойландырып қойды, деп хабарлайды Almaty.tv.

Ол әнші, Халық әртісі Майра Ілиясова және Майра Мұхамедқызымен түскен суретін жариялап, әзіл-шыны аралас тілегін жеткізді.

«Екі Майраның, екі Халық әртісінің ортасында тұрып тілек тіледім. Енді ұл тусам ба деп ойлап тұрмын», - деп жазды продюсер.

Суреттен олардың әріптес әрі көп уақыттан бері дос екені байқалады.

«Ескі достар мен ескі кітаптардан асқан не бар? Сіздерді көргеніме қуаныштымын, Баян мен Майра апай», -  деді Майра Мұхамедқызы.

Желі қолданушылары Баян Алагөзованың жазбасына таңданысын жасырмай, арманына жетуін тіледі.