Алматыда эстрада жұлдыздарының концерті басталды

Жаңа жыл барша жұрт асыға күтетін, ғажайыпқа толы мереке. Оған шаһарымыз жылда ерекше дайындалады. Жаңа жылдық шырша жағылып, мерекелік іс-шаралар ұйымдастырылады. Биыл қаланың безендірілуіне айрықша көңіл бөлінді. Жарқыраған шамдар, ақжарма тілектер жазылған түрлі декорациялар шаһар көркін кіргізіп тұр. Дәл бүгін қаланың басты алаңдарының бірінде эстрада жұлдыздарының қатысуымен мерекелік концерт өтеді, деп хабарлайды Almaty.tv тілшісі.

Астана алаңында эстрада жұлдыздарының қатысуымен ауқымды концерт басталады. Ұйымдастырушылар қарқынды дайындық үстінде. Сондай-ақ қала жаңа жылдық мерекеге ерекше безендіріліп, ертегі әліміндей таңғажайып түске боялған.

кетейік, мерекеге орай шаһарда 80 шырша орнатылып, 1500-ге жуық жарық шамдар іске қосылған. Қазір тұрғындармен сұқбаттасып, жаңа жылға дайындығын білейік.

"Алматы қаласының тұрғыны болғаныма өте қуаныштымын! Бәрі күшті, бәрі әдемі! Жұмыстан шығып, шаршағанымызды басып, көңіл-күйімізді көтеріп жатыр. Бәрі ұнады! " – деді қала тұрғыны Әсел Болатова.

"Күшті керемет! Безендіру бәрі жақсы! Көңіл-күйіміз жақсы. Бала-шағаны алып келіп қуанып жатырмыз", – деді қала тұрғыны Ақмарал Тұрысбаева.

"Алматы өтә әдемі! Көңіл-күйім өте керемет! Барлықтарыңызды концертке шақырамын", – деді қала қонағы Райхан Бұхарбаева.

Қымбатты көрермен, айта кетейік, іс-шара 21:00 де басталып, түнгі 1-ге дейін жалғасын табады. Соңында отшашу жоспарланған.

Оқи отырыңыз: Алматының 8 кереметі: мегаполисте жаңа жылға қалай дайындалды