Грек жаңғағы қандай жағдайда зиянды болуы мүмкін

Грек жаңғағын шамадан тыс жеу салмақ қосуға және семіздікке әкелуі мүмкін, деп хабарлайды Аlmaty.tv.

Диетологтарың айтуынша, грек жаңғағы өте калориялы өнім: 100 грамм жаңғақта шамамен 700 ккал бар. Сондықтан күніне 3–5 жаңғақтан артық тұтынбау ұсынылады.

Жаңғақты көп мөлшерде жеу асқазанда және ішекте дискомфорт тудыруы мүмкін. Сондай-ақ ол аллергендердің бірі болып саналады, әсіресе балаларда аллергиялық реакциялар жиі байқалады.

Кімдерге абай болу керек:

• артық салмағы немесе семіздігі бар адамдарға;
• асқазан-ішек жолы аурулары барларға (гастрит, панкреатит);
• жаңғаққа аллергиясы барларға (толық бас тарту қажет).

Сонымен қатар грек жаңғағының пайдасы да зор. Бұл өнім Омега-3 және Омега-6, В тобының дәрумендері, магний, мырыш, селен және Е витаминіне бай.

Пайдалы әсерлері:

• «Жаман» холестеринді төмендетеді;
• Қан тамырларының жағдайын жақсартады, гипертонияда көмектеседі;
• Ми қызметін қолдайды, есте сақтау мен зейінді жақсартады;
• Ас қорытуға пайдалы және гормоналды тепе-теңдікке ықпал етеді.

Дереккөз: РИА Новости

Оқи отырыңыз: Қандай балалар онлайн-ойынға тез тәуелді болып қалады