Әлихан Бөкейханов - ұлт көшбасшысы: Алматы облысында ғылыми-тәжірибелік конференция өтті

Алматы облысында ұлт көсемі Әлихан Бөкейхановтың есімі ұлықталды. Алаш қозғалысы көшбасшысының 160 жылдығына орай Қарасай ауданы, Береке ауылындағы орта мектепте ғылыми-тәжірибелік конференция ұйымдастырылды, деп хабарлайды Almaty.tv.

Жиынға тарихшы ғалымдар мен ұстаздар қатысып, көрнекті қоғам қайраткерінің өмірін, оның тәуелсіздік жолындағы күресін талқылады. Мамандардың сөзінше, Алаш зиялысы - қазақ мемлекеттінің негізін қалауға зор үлес қосқан тарихи тұлға.

Ал оның идеясы мен мұрасы әлі күнге дейін Қазақстан үшін өзекті. Сондықтан осындай ғылыми кездесулерді жиі ұйымдастыру – еліміздің болашағы үшін маңызды. Бұл – жас ұрпақтың тарихи санасын қалыптастырып, ұлттық құндылықтарға деген құрметін арттырмақ.

«Бөкейхановты зерттеген профессор, ғылым кандидаттарының аузынан естіген мағлұмат – өз алдына бір төбе. Мақсат  –  ұстаздардан, профессордың аузынан естіген ақпаратты бойына сіңірген мұғалім арқылы оқушыларды отансүйгіштікке, патриоттық сезімге тәрбиелеу», – деді «Береке орта мектебі» КММ директоры Жанар Айтақова.

Оқи отырыңыз: «Талдау мектебі. Алматы» жобасына өтінім қабылдаудың аяқталуына 10 күн қалды