Мерейлі мерейтой: Алматыда Бибігүл Төлегенованың ең танымал әндері шырқалды

Алматыда қазақ өнерінің жарық жұлдызы, халық әртісі, ұлттық опера мен классикалық музыка әлемінде танымал тұлға Бибігүл Төлегенованың репертуарындағы әндер шырқалған концерт өтті, деп хабарлайды Almaty.tv.

Мерекелік кеш Қазақстанның еңбек ерінің 95 жас мерейтойына арналды. Концертте күміс көмей, жез таңдай әншілер Бибігүл Ахметқызының ең танымал әндерін шырқап, өнерсүйер қауымға ерекше көңіл күй сыйлады. Қазақтың классикалық музыкасына зор үлес қосқан әнші тыңдармандарға құрмет білдіріп, қошемет көрсеткені үшін алғысын білдірді.

"Құдай тағала көктегі, жердегі апаттан, қайғы қасіреттен, тіл-көзден, оттан судан сақтасын! Еліміз аман болсын! Қуанышты кездерде ғана кездесуге жазсын!" – деді Қазақстанның еңбек ері Бибігүл Төлегенова.

Оқи отырыңыз: Алматыда «Жан жарығы» көрмесінің ашылу салтанаты өтеді