Тәртіп пен қауіпсіздік: Алматы прокуратурасы көшелердегі бақылауды күшейтуде

Жол қауіпсіздігін қамтамасыз ету аясында өткен тәулікте Алматы қаласының аумағында 1 622 Жол жүрісі қағидаларын бұзу дерегі анықталды, деп хабарлайды Аlmaty.tv.

Алматы қаласы прокуратурасының мәліметінше, оның 132-сі — өрескел заңбұзушылықтар, олар жол қозғалысына қатысушылардың өмірі мен денсаулығына тікелей қауіп төндірген.

Анықталған негізгі эереже бұзушылықтар:

• Көлікті мас күйінде басқару — 16;
• Көлік жүргізу құқығынан айырылған тұлғаның рөлге отыруы — 1;
• Жалған мемлекеттік тіркеу нөмірлерімен көлік жүргізу — 4;
• Манёвр жасау ережелерін бұзу (оның ішінде «шашки» түріндегі қауіпті манёврлер) — 42;
• Көлік жүргізу кезінде ұялы телефонды пайдалану — 16;
• Қарсы бағыттағы жолаққа шығып кету — 6;
• Қауіпсіздік белдігін тақпау — 47.

Сонымен қатар, атқарылған жұмыстардың нәтижесінде 34 көлік құралы арнайы айып тұрағына қойылды.