Жасөспірімнің жағажайдағы әдеттегі серуені әлемдік сенсацияға ұласты

Су жағасындағы әдеттегі серуен лондондық ғалымдарды таңғалдырған бірегей палеонтологиялық олжаға ұласты, деп хабарлайды Almaty.tv тілшісі SWNS басылымына сілтеме жасап.

Ұлыбританияның Саффолк графтығындағы жағажайдағы демалыс 11 жасар Чарли Орчард-Лайсл үшін тарихи сәтке айналды. Бодси ауылындағы Ист-Лейн жағалауында серуендеп жүрген жасөспірім су жиегінен алғашында қарапайым тасқа ұқсас ерекше затты байқап қалған. Алайда бұл олжа өте сирек кездесетін тарихқа дейінгі жәдігер болып шықты.

История удивительна еще и своим мистическим совпадением. Баланың анасы Элеонораның айтуынша, осыдан тура он минут бұрын Чарли пілдерді қаншалықты жақсы көретінін жарыса айтып келе жатқан. Баланың сөзін естігендей, теңіз толқыны оның дәл аяғының астына басқа тастардан оқшауланып тұрған ерекше затты шығарып тастаған.

«Бұл қарапайым зат емес екенін бірден түсіндік. Ұстап көргенде де кәдімгі тастардан мүлдем өзгеше болды. Осыдан 1,8 миллион жыл бұрын болған дүниені қарапайым жағажайдан осылай оңай тауып алуға болатынына әлі де сене алар емеспін», — деп баланың анасы ағынан жарылды.

Жанұя бұл жәдігерді суретке түсіріп, Лондонның Жаратылыстану тарихы музейінің жетекші палеонтологы, профессор Адриан Листерге жолдаған. Ғалым олжаның шынымен де құнды жәдігер екенін ресми түрде растады: көлемі 10 сантиметрлік бұл зат ананкустың (Anancus arvernensis) жоғарғы сол жақ азу тісі болып шықты.

Бұл жойылып кеткен сүтқоректілер қазіргі африкалық саванна пілінің тікелей туысы болып саналады. Олар Жер бетінде шамамен 1,8 миллион жыл бұрын өмір сүрген, ал шоқтығының биіктігі 2,4 метрден асқан.

Мамандардың болжамынша, миллиондаған жылдық тарихы бар тіс ұзақ уақыт бойы Бодсидегі Ред-Крэг жартастарының астында жатқан. Алайда жағалаудың табиғи бұзылуы (эрозия) салдарынан ол теңізге шайылып, кейін жағаға шығып қалған. Нәтижесінде бұл құнды жәдігерге кішкентай натуралист тап болды.

Оқи отырыңыз: Ұлы даланың мың жылдық асы: көшпенділердің "консервіленген нанын" білесіз бе