Оңтүстік Кореяда апатқа ұшыраған ұшақ бортында Қазақстан азаматтары болды ма

Оңтүстік Кореяда апатқа ұшыраған ұшақ бортында Қазақстан азаматтары болмаған, деп хабарлайды Almaty.tv тілшісі Іnformburo.kz-ке сілтеме жасап.

Бұл туралы ҚР Сыртқы істер министрлігі пікір білдірді.

"Корея билігінің алдын ала мәліметі бойынша, ұшақ апатынан қаза тапқандар арасында Қазақстан азаматтары жоқ", - деп түсіндірді ҚР Сыртқы істер министрлігінің ресми өкілі Айбек Смадияров.

Айта кетсек, бүгіен таңертең болған қайғылы ұшақ апатынан179 адам қаза тапты. Бортта барлығы 175 жолаушы мен 6 экипаж мүшесі болған. Кем дегенде екі адамның аман қалғаны айтылды.

Бангкоктан ұшып шыққан ұшақ жергілікті уақыт бойынша 08:30-да қонуы тиіс болатын. Алдын ала мәліметтер бойынша, шассидің дұрыс жұмыс істемеуіне байланысты ұшақ фюзеляжға қонуға әрекеттенген, бірақ ұшқыштар ұшу-қону жолағының соңына дейін жылдамдығын төмендете алмай, соңында қоршауға соғылған. Соның салдарынан ұшақ өртке оранған.

Желіде қайғылы оқиғаның видеосы пайда болды.

Оқи отырыңыз: Оңтүстік Кореяда ұшақ апатқа ұшырап, 179 адам қаза тапты