Өскеменде Жаңа жыл түні 7 адам өрттен құтқарылды

Өткен түні Өскемендегі көпқабатты үйлердің бірінен өрт шықты. Өрт сөндірушілер 7 адамды құтқарды, деп хабарлайды Almaty.tv тілшісі ТЖМ-ның баспасөз қызметіне сілтеме жасап.

ШҚО-да пәтердегі өрт кезінде 7 тұрғын құтқарылып, эвакуацияланды. ТЖМ-ның Telegram арнасындағы ақпаратқа сәйкес, оқиға Өскемен қаласындағы Қазақстан көшесінде көпқабатты тұрғын үйде орын алған. Белгілі болғандай 7-қабатта орналасқан пәтердің балконы жанған. Оқиға орнына келген өрт сөндірушілер баспалдақ маршымен 7 тұрғынды, оның ішінде 2 баланы эвакуациялады. Құтқарушылар өртті жедел түрде 4 шаршы метр алаңда сөндірді. Зардап шеккендер жоқ. ТЖМ өкілдері азаматтардан өрт қауіпсіздігі ережесін сақтауды, жағдайды өртке жеткізбеуді сұрайды.  

Оқи отырыңыз: Ақтауда жасанды пальма өртенді