Павлодар облысындағы көмір кенішінде жұмысшы көз жұмды

Павлодар облысындағы көмір кенішінде жұмысшы қаза тапты, деп хабарлайды Аlmaty.tv.

Қайғылы оқиға үш күн бұрын Баянауыл ауданындағы «Майкубен Вест» кәсіпорнында болған. Бұл ақпаратты облыстық еңбек инспекциясы департаменті растады. Ведомствоның мәліметінше, 1984 жылы туған тау-кен шебері алдын ала бұрғылау-жару жұмыстарын жүргізу кезінде ауыр жарақат алып, көз жұмған.

Аталған оқиғаға байланысты тергеп-тексеру басталды. Жазатайым оқиғаның нақты себептері мен мән-жайы анықталып жатыр.

Оқи отырыңыз: Сақ болыңыз: алаяқтар қай купюраны қолдан жасайды