Павлодарда адамдарды заңсыз тасымалдаған күдікті ұсталды

Павлодарда адамдарды жүк көлігімен заңсыз өткізбек болған күдікті ұсталды, деп хабарлайды Almaty.tv тілшісі.

Өзбекстан азаматы отандастарын Ресей арқылы Қазақстан аумағына тасымалдамақ болған. Криминалдық полиция қызметкерлері арнайы операция барысында мемлекеттік шекара арқылы заңсыз транзит ұйымдастыру әрекетінің жолын кесті. Автокөлік тәркіленіп, айып тұрағына қойылды. Қазір ұйымдастырушыға қатысты сотқа дейінгі тергеу амалдары жүргізілуде. Облыстық Полиция департаменті бұл іске қатысы бар тұлғаларды анықтап жатыр.

Оқи отырыңыз: Атырауда 300-ден аса тұрғын интернет алаяқтардың арбауына түскен