Павлодарда құтқарушылар өрттің тұрғын үйге таралуына жол берілмеді

Павлодарда балық аулауға арналған құрылғылар сатылатын дүкендердің бірінде өрт шығып, 16 адам эвакуацияланды, деп хабарлайды Аlmaty.tv тілшісі.

Оқиға орнына жедел жеткен өрт сөндірушілер қызыл жалынның маңайдағы 12 қабатты тұрғын үйге таралуына жол бермеді.

Тілсіз жау 70 шаршы метрден астам аумақты шарпыған. Қазір өрттің шығу себебі анықталып жатыр.

«Қауіпсіздік мақсатында 16 адам эвакуацияланды. Олардың арасында төрт бала бар. Өрт сағат 16:55-те толық сөндірілді. Зардап шеккендер жоқ», – деді Павлодар облысы Төтенше жағдайлар департаментінің өкілі Ерғали Кәрімжанов.

Оқи отырыңыз: Атыраудағы резонансты іс: айыпталушы соңғы сөзін айтты