Петропавлда бес жастағы бала терезеден құлап кетті

Петропавлда бес жастағы бала көпқабатты пәтердің үшінші қабатынан құлап кетті. Оқиға орталықтағы үйлердің бірінде болған, деп хабарлайды Аlmaty.tv тілшісі Qazaqstan Media-ға сілтеме жасап.

Ата-анасы баланың терезенің жақтауына шығып кеткенін аңғармай қалған. Балғын москиттік торға сүйеніп, құлап кеткен. Ол бірден ауруханаға жеткізілді. Зардап шеккен жеткіншектің жағдайы белгісіз.

«Аталған іс бойынша қылмыстық іс қозғалды. Тергеп-тексеру жұмыстары жүргізілуде», - делінген СҚО ПД баспасөз қызметі берген мәліметте.

Оқи отырыңыз: Жыл басынан бері 11 тоннадан астам есірткі тәркіленді - ІІМ