Рамазан: жолдағы кедергіні жою – иманның белгісі

Жақсылық жасау үшін мүмкіндік күтудің қажеті жоқ. Көшеде жатқан тас пен темірді шетке шығару, сынған әйнекті жинау, қарды күреу, жол жиегіндегі қауіпті затты алып тастау – бәрі де сауапты іс, деп хабарлайды Almaty.tv.

Исламда жолдағы кедергіні жою – иманның белгісі ретінде бағаланған.

«Иманның жетпістен аса тармағы бар… оның ең төменгісі – жолдан кедергіні алып тастау» деген Мұхаммед пайғамбар (с.ғ.с.) (Сахих Муслим).

Бұл хадис – кішкентай көрінген іс те Алланың алдында үлкен сауапқа себеп болатынын аңғартады.

Неге бұл маңызды?

• Біріншіден, жолдағы кедергі – қауіп. Бір тас біреудің сүрінуіне, бір шеге көліктің дөңгелегін жаруға, бір темір бөлшек баланың жарақат алуына себеп болуы мүмкін.
• Екіншіден, бұл – қоғамдық жауапкершілік. Тазалық пен тәртіп – өркениеттің белгісі.
• Үшіншіден, бұл – жүректің мейірімін көрсететін амал. Адам көрмей кетуі мүмкін, бірақ Алла көреді.

Кейде біз коммуналдық қызметтің жұмысы деп ойлаймыз. Бірақ ізгілік кезек күтпейді. 

Рамазан айында немесе кез келген уақытта жасалған ізгі әрекет сауаптың еселенуіне себеп болады.

Жол шетіндегі қауіпті затты жою арқылы жолаушы  аман алып қалатыныңызды ұмытпаңыз!

Оқи отырыңыз: Рамазан: себепсіз сый – шынайы құрмет