Сайлау қорытындысы бойынша екі партия Құрылтайға өткен жоқ

Орталық сайлау комиссиясы Құрылтай депутаттарын сайлаудың қорытындысын жариялады, деп хабарлайды Аlmaty.tv тілшісі.
ОСК төрағасы Нұрлан Әбдіровтің мәліметінше, дауыс беруге 9 351 539 азамат қатысқан. Сайлаушылардың алдын ала қатысу көрсеткіші 74,08 % болды.

"Партиядағы әріптестер, сіздерге айтарым депутаттық мандаттарды бөлген кезде 3 санат өкілдерінің, нақты айтқанда әйелдердің, жастардың, мүгедектігі бар адамдардың саны жиынтығында партия алған депутаттық мандаттардың жалпы санының кемінде 30 пайызын құрауы тиіс. Осыны ұмытпаңыздар", – деді ҚР Орталық сайлау комиссиясының төрағасы Нұрлан Әбдіров

Нақтыланған деректер бойынша, «Әділет» партиясына 6 528 948 сайлаушы немесе дауыс бергендердің 71,17%-ы қолдау білдірді.

Жалпыұлттық социал-демократиялық партияға (ЖСДП) 469 058 сайлаушы немесе 5,11% дауыс берді.

«Байтақ» жасылдар партиясын 97 751 сайлаушы немесе 1,07% қолдады.

Қазақстан Халық партиясына 285 395 дауыс немесе 3,11% берілді.

«Ауыл» партиясына 574 621 сайлаушы немесе 6,26% дауыс берді.

Қазақстанның «Ақ жол» демократиялық партиясын 478 083 сайлаушы немесе 5,21%-ы қолдады.

Respublica партиясына 509 631 сайлаушы немесе 5,56% дауыс берілді.

Сонымен қатар сайлаушылардың 2,51%-ы «бәріне қарсымын» нұсқасын таңдады.

Оқи отырыңыз: Сайлаудан кейінгі Қазақстан: Вице-президент лауазымы, Құрылтай мен Үкімет қалай жасақталады