Меншікті өндіріс
Біз әлеуметтік желілердеміз
Әнші жаңа концерттік бағдарламасын ұсынады
18 қазанда Димаш Құдайберген DIMENSIONS атты жаңа концерттік турын бастайды, деп хабарлайды Аlmaty.tv.
Dimashnews.com жазуынша, халықаралық команданың бірнеше айға созылған дайындығы, эксклюзивті шоу мен жаңа әндер — осынау ауқымды жұмыстың артында үлкен еңбек жатыр, алда көрермендермен көптен күткен кездесулер күтіп тұр.
Осыған орай, Димаш жаңа бағдарламаның дайындық барысында түсірілген кадрлармен бөлісті. 8 елдің 11 қаласында өтетін 12 концерт — ұлы сапардың бастамасы ғана.
Айта кетейік, «DIMENSIONS» («Өлшемдер») бағдарламасы — уақыт пен кеңістікті шарлау емес, көрерменмен өзара байланыс арқылы адамның ішкі болмысын ашу.
«DIMENSIONS» атауы Димаштың сан қырлы болмысын — өнер иесі, шығармашылық тұлға әрі жарқыраған сахна жарығынан тыс өзінің шынайы қалпындағы адам ретіндегі болмысын бейнелейді. Бұл оның сахнаға шыққан сәттегі қуаты мен жарқылынан, төл мәдени тамырына деген адалдығынан, жан түкпіріндегі терең нәзіктігінен, жүріп өткен жолында жинақтаған ой-толғаныстарынан және өз болмысының тереңінен жауап іздеуге жетелейтін рухынан көрініс табады.
«Әлем Димашты ең алдымен теңдессіз дауыс иесі ретінде таныды. Ал бұл концерттің мақсаты — сол дауыстың артында тұрған адамды танытып, Димаштың болмысын барынша толық әрі сан қырынан көрсету.
Эмоциялар, естеліктер мен өмірлік тәжірибенің үзік көріністері арқылы сахна оның ішкі әлемінің қырларын біртіндеп аша түседі. Нәтижесінде біз әртүрлі «өлшемдерге» бөлініп кеткен сан алуан бейнелерді емес, тұтас бір тұлғаны көреміз. Оны туған жерге деген сүйіспеншілік, берік ұстанымдар, жаңа белестерді бағындыруға деген ұмтылыс және өз болмысына адалдық біріктіреді», - дейді ұйымдастырушылар.
Оқи отырыңыз: Шайбалы хоккейден Азия чемпионаты: Қазақстан әйелдер құрамасы қола жүлде алды